Kidung Bali

Pupuh Pucung Pupuh pucung Anggen jalaran manutur cening pianak bapa mumpung cening enu cenik apang suluk jemet melajahang awak

[ Suara ]

Pupuh Maskumambang Dados jadma jatinipun pinih luwih patut ngayu bagia yadin lacur turin bengil sida pacang mangguh bagia

[ Suara ]

Pupuh Smarandana Mamisuna ngawi pati miwah ane len-lenan kancan laksanane kaon nyandang pisan to impasang mangda cening tan kasepan ngungsi sila ane patut darma sadu maring jagat

[ Suara ]

Pupuh Sinom Susilane utamayang satiane anggen ngembanin keto munggah di Agama kukuhang mangdenya pasti eda mamuikin aji ida sungsung maka guru

[ Suara ]

Pupuh Pangkur Nunas agung sinampura ratu titiang ring ida dane sami mangrencana ngawe kidang pangkure anggon tembang mapi bida belog pongah sipok sigug tuara jengah kakedekang ngulahang payu mangawi

[ Suara ]

Pupuh Dangdang Gula Titiang takut kena munyi manis ngaku tresna gampang nagih nadtad anak luh uli dini batangin selaka siu joh para bakatang beli saling ke baan kemikan makemulan galir bungut dija pacang saup jemak tuhuh ngucap adayan suba manengil keh manundung dakin basang

[ Suara ]

Pupuh Demung Tunjung Biru (Pawiwahan)

Tan kocapan tarunane jani tan lian ne kawus wus i ayu mangrangsuk payas pangganggene sarwa luih sayah ayu mangayang-ayang buksa widyadari nurun kasunaran baan bulan wedanane melok lulum

[ Suara ]

Kawitan Wargasari (Dewa Yadnya)

Purwakaning angripta rum Ning wana wukir Kahadang labuh Kartika panedenging sari Angayon tanguli ketur angringring jangga mure

[ Suara ]

Kidung Wargasari (Dewa Yadnya)

Ida ratu saking luhur kaula munas lugrane mangda sampun titing tandruh mangayat Betara mangkin titang ngaturang pajati canang suci muang daksina sami sampun puput pratekaning saji

[ Suara ]